المحاضرة الأخيرة!

بسم الله ..
رب اشرح لي صدري و يسر لي امري و احلل عقدة من لساني يفقهو قولي
اما بعد ..

استوقفني برنامج ..
خلاني اتفكر .. اشلون في ناس مروا بتجارب قاسيه ..
خلتهم يواجهون الموت ..
و اشلون واجهو خوفهم في هالتجارب ..

عشان اوضح الفكرة ..


بسإلك سؤال : لو قالولك اللي باقيلك من عمرك شهرين بس ..


شنو بتكون ردة فعلك ؟؟؟


انا مو قاعده افاول على احد لا سمح الله .. الله يطول باعماركم كلكم ..


لكن تخيل معاي ..


لو قالولك ((باقي لك من عمرك شهرين بعدها بتكون مو موجود في هاذي الدنيا بكبرها .. سو كل اللي كان بخاطرك تسويه .. سو كل شي تمنيت تسويه لو عشت .. ))


هل راح تكون ردة فعلك مثل ردة فعله ؟؟؟


او راح تكون غير ؟؟؟


هالانسان عطا درس كبييير ياليت كلنا نستفيد منه ..


باختصار..اهو .. الدكتور راندي باوش
(( أستاذ شهير في أحد الجامعات الأمريكية جامعة كارنيجي ميلون أصيب الدكتور باوش بالسرطان وقدر له الأطباء أشهر متبقية في حياته ألقى الدكتور باوش محاضرته الأخيرة فأبكى الجميع كان عنوان المحاضرة
كيف تعيش حياتك بشكل صحيح
Randy Pausch reprising his Last Lecture))





عقبها كتب كتاب سماه المحاضرة الاخيرة او LAST LECTURE


صار هالكتاب من اكثر الكتب مبيعا" في العالم ..



هذا فيديو المحاضرة .. اتمنى تشوفونه
لانه خيالي :


http://www.youtube.com/watch?v=ji5_MqicxSo





**** الهدف من الموضوع يا جماعة :


ان بما ان احنا بفضل من الله عايشين ليش ما نسوي كل اللي بخاطرنا ونسويه الحين بدال بعدين ؟


ليش ما نعيش صح و ما نتصرف تصرف غلط .. ممكن انعكاساته تاخذ منا لحظات او ساعات او ايام او سنوات .. كان من الممكن انها تكون احلى لحظات حياتنا .. ؟
باختصار ليش ما نعيش اسياد انفسنا ..
و نكون معمرين " البسيطة" .. اللي نعيش عليها ..


اتمنى ان الفكرة وصلت !!!

(هاذي مجرد افكار و تساؤلات كانت على بالي و حبيت انقلها لكم.. )