الى جنات الخلد يا حمد ..

بسم الله الرحمن الرحيم

رب اشرح لي صدري و يسر لي امري و احلل عقدة من لساني يفقه قولي

اما بعد:

اليوم و انا اتصفح المدونات .. صدفة لقيت مدونة المقدمة .. و مريت ع المواضيع مرور سريع ..

فجأه لقيت اسم حمد في موضوع من الموضوعات ..

عورني قلبي .. تذكرته و انا مو ناسيته اصلا"..

كنت اتناسى الموضوع ..

المهم ..

اشكر كاتب الموضوع من كل قلبي ..

لأن اهو السبب في كتابة موضوعي هذا..

للي ما يعرف منو حمد .. او شالسالفه .. يقرا السطور اليايه

حمد شاب خلوق .. طيب .. كريم .. يحب اهله وايد .. و يحب ربعه واايد..

من كثر ما يحبهم احنا نحبهم من غير ما نعرفهم

بار بأمه و أبوه ..

حمد اخوي الكبير ..

اعظم اخو في الدنيا .. يمكن البعض يحس اني ابالغ .. لكن هاذي الحقيقه ..

و اللي يعرفه راح يأكد كلامي ..

كان دايما" يقولي .. لا يأس مع الحياة و لا حياة مع اليأس ..

و هم كان يقول .. طنش تعش تنتعش :)

الله يرحمك ياحمد .. ما كانت الابتسامه تفارق ويهه ..

تأثرت وايد لما توفى ... و ما كنت مستوعبة الوضع ...

لكن الحمدلله .. الله عوضنا .. بحمد ثاني .. الله يحفظه ..

الحين اهو كل دنيتي .. يشبه وايد .. جنه اهو ..

ما اقدر اقول الا الله يرحمك يا حمد و يبري ذمتك و يسكنك فسيح جناته يااااااارب ..